Masterstroke kya hai?

Rules (evidence bar)

Har entry ke paas do cheezein honi chahiye: (1) faisle ka official source — gazette, PIB, Act, ya Sansad; aur (2) uske nateeje ka official source — CAG audit, court judgment, RBI/official data, ya sarkar ka apna rollback/withdrawal notice.

Sirf sarkari / primary sources. Koi news channel nahi, koi blog nahi — isse legal risk kam rehta hai aur bias ka ilzaam lagana mushkil.

“In other news”

Kabhi-kabhi ek entry ke neeche “In other news”section hota hai — official government handles ke tweets, sirf context ke liye. Ye primary source nahi hain (isliye publish ka do-source rule inpe lagu nahi hota) aur na hi hum inhe embed karte hain. Tweet ka text hum apne paas store karte hain, taaki tweet delete ho jaaye to bhi record bacha rahe — deleted hone par usko clearly mark kar dete hain.

Honesty

Facts verifiable hain — har claim ke neeche ek .gov.in ya court link hai. Lekin kaun-sa faisla list karna hai aur usko kaise frame karna hai, ye author ka editorial judgment hai. Hum “neutral” hone ka daava nahi karte; hum verifiable hone ka daava karte hain.

Kisi party ki entries kam ya zyada dikh sakti hain. Iska matlab ye nahi ki koi party doodh ki dhuli hai — counts sirf itna dikhate hain ki kis faisle ka official nateeja documented hai. Ye proportional fairness ka scoreboard nahi hai.